Архив категории ‘История

Дзень незалежнасці

27 ліпеня 1990 года Вярхоўны Савет Беларускай Савецкай Сацыялістычнай Рэспублікі прыняў Дэкларацыю аб дзяржаўным суверэнітэце. Яна абвясціла поўны дзяржаўны суверэнітэт БССР як вяршэнства, самастойнасць і паўнату дзяржаўнай улады рэспублікі ў межах яе тэрыторыі, правамоцнасць яе законаў і незалежнасць знешніх адносінах.

Выйшаў ліпеньскі нумар месячніка «Слонімскі край»

Выйшаў ліпеньскі нумар краязнаўчага месячніка “Слонімскі край”. У ім — пра дзясяткі ювеліраў са Слоніма XVII-XIX стагоддзяў, самым вядомым з якіх быў Станіслаў Даніловіч. Святлана Брайчук змяшчае чарговую частку нарыса пра ўладальнікаў маёнтка Старыя Жыровічы.

Слонімцы ўшанавалі памяць Міхала Валовіча

Сябры Слонімскага згуртавання дэмакратычных сіл 3 ліпеня ў вёсцы Парэчча Слонімскага раёна ўшанавалі аднаго з кіраўнікоў паўстання 1930-1833 гадоў супраць Расійскай імперыі Міхала Валовіча і яго паплечнікаў.

Выйшаў травеньскі нумар краязнаўчага месячніка «Слонімскі край»

У ім напісана пра перанесенае святкаванне жыровіцкіх юбілеяў, пра выхад манет, кніг, пра праект пабудовы 57-метровай званіцы. Вялікі артыкул прысвечаны слонімцам, якія пасля Другой сусветнай вайны спрабавалі застацца на Захадзе. Змешчана шмат фотаздымкаў, дакументаў з нямецкага архіву.

Краязнаўчы каляндар

15 траўня — дзень нараджэння беларускага паэта Анатоля Іверса (1912-1999). Анатоль Іверс нарадзіўся ў сялянскай сям’і ў вёсцы Чамяры. У час 1-й сусветнай вайны сям’я, як і многія аднавяскоўцы, у 1914 г. выехала ў бежанства і вярнулася ў 1918 г. У 1926 г. паступіў у Віленскую беларускую гімназію. За ўдзел у рэвалюцыйна-вызваленчым руху быў выключаны з Віленскай (1928), […]

Леў Сапега

4 красавіка 1557 года нарадзіўся дзяржаўны дзеяч Вялікага княства Літоўскага, слонімскі староста Леў Сапега. Леў Сапега (1557 – 1633) – канцлер вялікі літоўскі і староста Слонімскі (з 1586 г.), які вельмі шмат карыснага зрабіў для эканамічнага, палітычнага і культурнага развіцця горада. Пры ім Слонім стаў важным палітычным цэнтрам Вялікага княства Літоўскага.

Выйшла з друку новая кніга Сяргея Чыгрына

Нядаўна ў Мінску выйшла з друку новая кніга літаратара і краязнаўцы са Слоніма Сяргея Чыгрына “Слонімскі драматычны тэатр. Фотаальбом”. Выданне аздоблена шматлікімі фотаздымкамі – сцэнамі са спектакляў, якія аўтар на працягу трох дзясяткаў гадоў збіраў у свой прыватны архіў.

У Слоніме адзначылі Дзень Волі

25 сакавіка, у 102-ю гадавіну ўтварэння Беларускай Народнай Рэспублікі, слонімскія дэмакратычныя актывісты ўсклалі кветкі да помніка Льву Сапегу, да Міхала Валовіча і паўстанцаў у Парэччы і да Івана Шэгі на гарадскіх могілках каля Чапялёва.

Выйшаў сакавіцкі нумар краязнаўчага месячніка “Слонімскі край”

У сакавіцкім нумары змешчана некалькі матэрыялаў пра здарэнні на Слонімшчыне ў сярэдзіне XIX стагоддзя: пра пажар у горадзе 10-11 ліпеня 1848-га, у Шундрах 15-16 красавіка 1849-га, пра напады ваўкоў на дзяцей летам 1850-га.

Слонімцы ўсклалі кветкі на магілу Васіля Супруна

У аўторак,10 сакавіка, сябры Слонімскага згуртавання дэмакратычных сіл наведалі слонімскія гарадскія могілкі, дзе знаходзіцца магіла Васіля Супруна (1926-2007) і яго жонкі. Грамадскія актывісты ўсклалі кветкі на магілу Васіля і Клаўдзіі Супруноў і памянулі іх хвілінай маўчання.

Яндекс.Метрика