4 красавіка 1557 года нарадзіўся дзяржаўны дзеяч Вялікага княства Літоўскага, слонімскі староста Леў Сапега. Леў Сапега (1557 – 1633) – канцлер вялікі літоўскі і староста Слонімскі (з 1586 г.), які вельмі шмат карыснага зрабіў для эканамічнага, палітычнага і культурнага развіцця горада. Пры ім Слонім стаў важным палітычным цэнтрам Вялікага княства Літоўскага.

Нядаўна ў Мінску выйшла з друку новая кніга літаратара і краязнаўцы са Слоніма Сяргея Чыгрына “Слонімскі драматычны тэатр. Фотаальбом”. Выданне аздоблена шматлікімі фотаздымкамі – сцэнамі са спектакляў, якія аўтар на працягу трох дзясяткаў гадоў збіраў у свой прыватны архіў.

25 сакавіка, у 102-ю гадавіну ўтварэння Беларускай Народнай Рэспублікі, слонімскія дэмакратычныя актывісты ўсклалі кветкі да помніка Льву Сапегу, да Міхала Валовіча і паўстанцаў у Парэччы і да Івана Шэгі на гарадскіх могілках каля Чапялёва.

У сакавіцкім нумары змешчана некалькі матэрыялаў пра здарэнні на Слонімшчыне ў сярэдзіне XIX стагоддзя: пра пажар у горадзе 10-11 ліпеня 1848-га, у Шундрах 15-16 красавіка 1849-га, пра напады ваўкоў на дзяцей летам 1850-га.

У аўторак,10 сакавіка, сябры Слонімскага згуртавання дэмакратычных сіл наведалі слонімскія гарадскія могілкі, дзе знаходзіцца магіла Васіля Супруна (1926-2007) і яго жонкі. Грамадскія актывісты ўсклалі кветкі на магілу Васіля і Клаўдзіі Супруноў і памянулі іх хвілінай маўчання.

15 лютага была 31-я гадавіна з дня вываду савецкіх войскаў з Афганістана. Рэдакцыя «ГС» звярнулася да ўдзельніка той вайны слонімца Міхася Варанца з просьбай распавесці, як савецкія вайскоўцы ўспрынялі пачатак афганскай вайны і наогул пра атмасферу тых часоў у Савецкім Саюзе.

24 лютага 1927 году нарадзілася на Слонімшчыне Надзея Дземідовіч. З восенi 1941-га вучылася ў Слонiмскай беларускай гiмназіi, дзе ўступіла ў Саюз Беларускай Моладзі. У снежні 1944-га пад час масавых арыштаў сяброў СБМ у Слонiме перайшла на нелегальнае становiшча, потым пераехала да сваякоў у Казахстан, дзе ў 1949-м была арыштаваная. Засуджаная да 25 гадоў папраўча-працоўных лягераў і 5 […]

8 лютага 1914 года ў Баранавічах нарадзіўся беларускі паэт-рэвалюцыянер Валянцін Таўлай, дзяцінства якога прайшло ў Рудаўцы. Нарадзіўся 8 лютага 1914 года ў горадзе Баранавічах у сям’і чыгуначніка. Дзяцінства прайшло ў вёсцы Рудаўка на Слонімшчыне.

2 лютага — 182 года з дня нараджэння беларускага рэвалюцыянера, патрыёта і публіцыста Кастуся Каліноўскага — аднаго з кіраўнікоў паўстання 1863 года на Беларусі. Падчас паўстання быў на Слонімшчыне, распаўсюджваў “Мужыцкую праўду”.

Слонімскі раён утвораны 15 студзеня 1940 года ў складзе Баранавіцкай вобласці. 8 лютага 1954 года ўвайшоў у склад Гродзенскай вобласці. Размешчаны на поўдні вобласці і займае плошчу 1,5 тыс. кв. кіламетраў. Па тэрыторыі раёна працякае рака Шчара з прытокамі рэк Грыўда, Бяроза, Іса, Зальвянка.