«Бысторыя» прайшла па пешаходным завулку

У суботу вечарам, 31 траўня, у цэнтры Слоніма на пешаходным завулку каля драматычнага тэатра сабраліся творчыя слонімцы на сваё першае творчае мерапрыемства, якое назвалі “Бысторыя” (ад стараславянскага слова “падзея”). Аўтарамі ідэі і арганізатарамі мерапрыемства сталі мясцовыя маладыя асобы Андрэй Ахота і Яўген Семяненка. У мінулым годзе і сёлета яны наладжвалі ў Слоніме “Фотасушку”, якая вельмі спадабалася гараджанам.

Па славах Андрэя і Яўгена, “Бысторыя” – гэта праект першай пешаходнай вуліцы ў Слоніме. Гэта вуліца невялікая, але гістарычная ва ўсіх адносінах. Побач знаходзяцца драмтэатр з шыльдай Міхалу Казіміру Агінскаму, якія сёлета адкрылі, а таксама краязнаўчы музей імя Язэпа Стаброўскага, цэнтральная бібліятэка з музеем кнігі, якія месцяцца ў былой ратушы другой паловы XVIII стагоддзя. Месца вельмі файнае, куды вырашана было склікаць мясцовых музыкантаў, мастакоў, фатографаў і проста творчых людзей, каб неяк ажывіць культурнае жыццё невялікага і старажытнага горада над Шчарай.

І сапраўды, “Бысторыя” хутка ажывіла цэнтр Слоніма. Іграў аркестр, спявалі барды, працавалі буккросінг, флэшмобы, выставы фотаздымкаў, кніг і гучалі песні. Слонімцам гэта спадабалася, асабліва моладзі, якой на свяце было найбольш.

Міхась Акулка

Фота аўтара.

OLYMPUS DIGITAL CAMERA

OLYMPUS DIGITAL CAMERA

OLYMPUS DIGITAL CAMERA

OLYMPUS DIGITAL CAMERA

OLYMPUS DIGITAL CAMERA

OLYMPUS DIGITAL CAMERA

OLYMPUS DIGITAL CAMERA

OLYMPUS DIGITAL CAMERA

Комментарии и пинги закрыты.

Комментирование закрыто.

Яндекс.Метрика