У сераду, 25 чэрвеня, у Слоніме адбылося вялікае перазахаванне парэшткаў воінаў, якія загінулі ў самым пачатку вайны 1941 года. Гэтыя астанкі 65 воінаў Рабоча-сялянскай Чырвонай арміі былі сёлета выяўлены на вуліцы Брэсцкай у Слоніме ў васьмі метрах ад шасэ Слонім—Ружаны.  Сярод выяўленых ўдалося расшыфраваць і ўстанавіць імёны 11 воінаў.  Усе яны лічыліся прапаўшымі без вестак з ліпеня 1941 года.

У перазахаванні прынялі ўдзел кіраўніцтва Гродзенскага аблвыканкама і Слонімскага райвыканкама, вайскоўцы, святары, а таксама дзесяткі слонімцаў. Парэшткі воінаў перазахавалі ў брацкую магілу ў Слоніме, якая знаходзіцца каля Слонімскага ўпраўлення магістральных газапровадаў.

Міхась Акулка

Фота аўтара.