Школьны аздараўленчы летнік “Лясны” Слонімскага раёна шчыра вітаў беларускіх літаратараў Міхася Скоблу і Сяргея Чыгрына, а таксама салістку Белдзяржфілармоніі Таццяну Матафонаву з сынам Адасем.

Міхась Скобла цікава распавёў пра родную мову, пра тое, што нам, беларусам, трэба любіць родную мову і заўсёды на ёй размаўляць. Бо той, хто паважае сваю мову і размаўляе на ёй – доўга жыве, як, напрыклад, японцы. Сяргей Чыгрын пазнаёміў школьнікаў з гісторыяй Слонімскай зямлі, расказаў пра тых знакамітых людзей, якія родам са Слонімшчыны, а таксама прачытаў свае вершы пра Бацькаўшчыну.

А Таццяна Матафонава і яе сын Адась выканалі песні на словы беларускіх паэтаў.

Міхась Акулка

Фота аўтара