Пра гэта распавядала жыхарка вёскі Бярдовічы Слонімскага раёна Галіна Захарчук на мерапрыемстве моды ХХ стагоддзя, якое адбылося ў Слонімскім раённым Цэнтры культуры.

Спадарыня Галіна паказала прыгожыя вытканыя ў пачатку ХХ стагоддзя беларускія паясы, а таксама андаракі, наміткі, ручнікі. А яшчэ жанчына распавядала, што многія з іх былі вытканыя на швецкіх кроснах.

Справа ў тым, што падчас Паўночнай вайны, мясцовыя людзі з яе вёскі выратавалі ад смерці швецкага салдата, які ў знак падзякі зрабіў ім з лазы кросны. Гэтыя кросны да другой паловы ХХ стагоддзя зберагаліся ў яе роднай вёсцы. На іх і ткалі жанчыны паясы, ручнікі, адзенне. Шмат што выткана на швецкіх кроснах і паказала Галіна Захарчук слонімцам.

Беларускае нацыянальнае адзенне дэмастравалі на мерапрыемстве таксама школьнікі і моладзь.

Міхась Акулка.

Фота аўтара.