Некалькі цікавых сустрэч у пятніцу, 29 студзеня, правялі на Слонімшчыне літаратар, краязнавец і журналіст Сяргей Чыгрын і вядомы бард і журналіст Зміцер Бартосік. Гэта іх не першыя творчыя сустрэчы са школьнікамі і настаўнікамі на слонімскай зямлі.

Госці заўсёды цікава распавядаюць пра гісторыю беларускай зямлі, пра яе знакамітых людзей. Асабліва дзяцей і настаўнікаў цікавяць тэмы пра ўкрадзеныя за многія стагоддзі і вывезеныя беларускія скарбы, у тым ліку Крыж Еўфрасінні Полацкай, шахматную дошку Льва Сапегі, Жыровіцкае Евангелле і сотні іншых беларускіх скарбаў, а таксама лёсы знакамітых беларусаў.

У Сянькоўшчынскай сярэдняй школе, вучні і настаўнікі прызналіся, што яны ўпершыню ў жывую пачулі барда, які спявае песні на беларускай мове. Падобныя сустрэчы на Слонімшчыне і ў суседніх з ёю раёнах з творчымі людзьмі Беларусі будуць ладзіцца і надалей.

Крыніца: http://www.racyja.com/