Выйшаў з друку першы нумар электроннай гісторыка-краязнаўчай газеты “Слонімскі край” за 2018 год, які выдаюць Сяргей Ёрш і Сяргей Чыгрын.

У ім — пра маштабныя археалагічныя раскопкі, якія могуць прайсці на Слонімшчыне. Архіўныя дакументы пра вёску Савічы. Другая частка нарысу пра гісторыю слонімскага футбола, на гэты раз пра 1925 год. Пра 100-годдзе слонімскай электрастанцыі. Пра бізнес у нашым горадзе і пра тэлеграф у 1925-м. Пра перайменаванне вуліц у 1928-м. Некалькі невядомых фота касцёла св. Андрэя і шмат іншага.

Гэты і папярэднія нумары “Слонімскага краю” можна прачытаць і скачаць на сайце беларускай інтэрнэт-бібліятэкі “Камунікат”.