У мінскім выдавецтве “Кнігазбор” свет пабачыла новая кніга беларускага літаратара, гісторыка і краязнаўца Сяргея Чыгрына са Слоніма. Яна мае назву “Хочацца дадому”. У сваю кнігу Сяргей Чыгрын уключыў артыкулы пра малавядомых, але заслужаных памяці беларусаў людзей.

Слонімская дзіцячая гарадская бібліятэка адзначыла 65-годдзе. Вечарыну адкрыла загадчыца бібліятэкі Людміла Мазюк, якая ўжо сорак гадаў працуе ў гэтай бібліятэцы. Яна адзначыла, што дзіцячая бібліятэка штогод забяспечвае кнігамі 3650 юных чытачоў.

У Мінску ў выдавецтве “Кнігазбор” выйшла з друку новая кніга нашага земляка Сяргея Чыгрына “Гісторыя Слоніма на старых фотаздымках і паштоўках”.

Слонімскі празаік Уладзімір Ягоўдзік, які ў апошні час плённа працуе для юных чытачоў, выдаў сваю чарговую кнігу аб беларускай прыродзе. Аўтар назваў яе “Лясныя таямніцы”.

У рамках Тыдня дзіцячай і юнацкай кнігі ў слонімскім парку адбылося мерапрыемства для школьнікаў “Чытальная зала ў парку ля фантана”. Каля старога фантана былі арганізаваны выставы кніг са слонімскіх бібліятэк, праводзіліся конкурсы, дзеткі знаёміліся з новай дзіцячай літаратурай.

У Слонімскім РДК 21 сакавіка пачаўся Тыдзень дзіцячай і юнацкай кнігі “Усіх гасцінна мы вітаем і на свята кнігі запрашаем”. У першы дзень Тыдня юныя гледачы і чытачы пабачылі спектакль па п’есе Ігара Сідарука “Прыгоды Люстрынкі”.